Мэргэжлийн сумогийн мэхний их дэлгүүр хэмээгддэг Д.Кёкшюүзан Батбаярын зам мөрөөр маш олон монгол хөвгүүд мэргэжлийн сумогийн дэвжээнээ хөл тавьж, аварга, арслан цол хүртэж нэр алдараа арлын оронд дуурсгаж байгааг бид бүхэн мэдэх билээ.
Тэгвэл Д.Кёкшюүзан Батбаярын японы мэргэжлийн сумод хөтлөн оруулсан олон арван залуусын нэг болох Катаонами дэвжээний бөх Тамаваши Б.Мөнх-Оргил 2019 оны Хацү башёд түрүүлж сумод хайртай монголчуудынхаа магнайг тэнийлгэсэн баярт үйл явдал саяхан тохиолоо.
Тамаваши Б.Мөнх-Оргилын тухайд 15 жил сумо бөхөөр барилдахдаа дээд зиндаанд 10 гаруй жил, саняакү цолтой 10 башё, сэкивакэ цолтой 5 башёд хүч үзэн ийнхүү түрүүлсэн байна.
Тамаваши Б.Мөнх-Оргил Хацу башёд түрүүлж эзэн хааны цом хүртэж авсныхаа дараа цахим хуудсаараа дамжуулан Д.Кёкшюүзан Батбаярт хандан талархал илэрхийлсэн байна. Тэрээр “Намайг сумод хөтлөн оруулсан Батбаяр ахдаа маш их баярлаж явдаг шүү” хэмээн ярьжээ.
Х.Онон
