Агаар орчны бохирдол, уур амьсгалын өөрчлөлтийн нөлөөллийг бууруулахад хүн бүрийн оролцоо чухал болохыг таниулах зорилготой “Агаар орчны бохирдол хүүхдэд” автобустай үзэсгэлэн, сургалтыг Улаанбаатар хотын Баянзүрх, Сонгинохайрхан дүүргийн нийт 800 сурагчдад 2021 оны 10 сарын 25-28-ны өдрүүдэд дунд, ахлах ангийн сурагчдад цар тахлын үед мөрдөх журмыг чанд баримтлан зохион байгууллаа.
БОАЖЯ-ны харьяа Цэнгэг усны нөөц, байгаль хамгаалах төвийн сургагч багш нар НҮБ-ийн Хүүхдийн сангийн дэмжлэгтэйгээр нийслэлийн болон хөдөө орон нутгийн багш нартай хамтран зохион байгуулж байгаа юм.
