АНУ-ын Невада мужийн Лас Вегас хотын “The Cosmopolitan” зочид буудлын цогцолборт мэргэжлийн боксчин Нямбаярын Төгсцогт 9 дэх удаагийн тоглолтоо хийж ялалтаа авлаа.
Их эзэн Чингис хааны төрсөн өдөр сонирхогчдын боксын олимп, ДАШТ-ий мөнгөн медальт, Монгол Улсын гавьяат тамирчин Н.Төгсцогт мэргэжлийн боксын ринг дээр 9 дэх ялалтаар Монголчууддаа бэлэг барилаа.
Тэрбээр энэ удаад Филиппиний боксчин 23 настай Хармонито Дела Торретэй тулалдсан юм. "Алх" хочит Торре мэргэжлийн рингэнд 19 тулаан хийж, нэг ч ялагдаагүй байсан боксчин юм.
Харин 25 настай Н.Төгсцогтын хувьд мэргэжлийн бокст есөн тулаан хийж, бүгдэд нь КО буюу өрсөлдөгчөө нокаутаар ялаад байв. "KING TUG" хэмээх дэвжээний нэрээр олны танил болж байгаа мэргэжлийн боксчин Н.Төгсцогт цаашид олон олон тулаанд ялалт байгуулж дэлхийн аварга болох замаа ийнхүү шат шатаар ахиулсаар байна.
Tugstsogt Nyambayar's 9th fight of his pro boxing career.
Posted by OD Live on Saturday, November 18, 2017
