Олон улсын сагсан бөмбөгийн холбоо /ФИБА/ 3х3 Дэлхийн шилдэг 10 тамирчнаа албан ёсны www.fiba.basketball сайтаараа дамжуулан Дэлхий нийтэд зарлалаа.
Дэлхийн шилдэг 10 тамирчныг өнгөрөгч 2017 онд үзүүлсэн багийн амжилт болон хувийн амжилтаар нь шалгаруулжээ. www.fiba.basketball дамжуулан Дэлхий даяар хүргэсэн байна.
Энхбатын Дөлгөөн /ФИБА 3х3 Мэргэжлийн лигийн Улаанбаатар Хангарьд, Монгол Улсын Үндэсний шигшээ багийн тоглогч/ Нас: 25 2017 оны амжилтууд: ФИБА 3х3 Азийн аваргын алт
Хувийн амжилт: ФИБА 3х3 Азийн аваргын Үнэ Цэнэтэй тоглогч
Дэлхийн чансаа: #53 Монгол Улсын тамирчин Э. Дөлгөөнийг www.fiba.basketball сайт ийнхүү тодорхойлжээ.“Э.Дөлгөөн өнгөрөгч улиралд өөрийн эх орноо 3х3-ийн газрын зурагт оруулж чадлаа, мөн түүний үсний засалтыг “ТӨГС” гэж хэмээн онцолжээ. Үргэлжлүүлээд Монгол Улс өмнө нь Олон Улсын сагсан бөмбөгийн тэмцээнүүдээс нэг ч медаль авч үзээгүй байлаа. ФИБА 3х3 Ази тивийн аварга шалгаруулах тэмцээнд 6 фит 3 инчийн /1,90м/ өндөртэй энэ залуу багаа ур чадвараараа манлайлж Монгол Улс ФИБА 3х3 Ази тивийн аваргын алтан медалийг анх удаа авснаар дээрх түүхийг өөрчиллөө. Улмаар Ази тивийн аваргын Үнэ Цэнэтэй тоглогчийн шагналыг хүртсэн. Тэрбээр, Монголын багийнхаа хамтаар /Улаанбаатар/ мэргэжлийн лигийн Их Дуулгад анх удаагаа оролцож Уцуномияд хагас шигшээд шалгарч чадсан” гэжээ.
