Аялал жуулчлалын хөгжлийн төв ТӨҮГ; Иргэний нисэхийн үндэсний төв хамтын ажиллагааны санамж бичигт 2020 оны 12 дугаар сард гарын үсэг зурсан. Хамтын ажиллагааны хүрээнд энэ удаагийн цахим зөвлөгөөнийг зохион байгуулж байна. Орон нутгийн нисэх онгоцны буудлуудын тохижилт; үйлчилгээг сайжруулах; хүний нөөцийг чадавхижуулах; олон улсын стандартыг нэвтрүүлэх ажил эхэлснийг АЖХТ-н захирал С. Бат-Эрдэнэ зөвлөгөөний эхэнд онцоллоо.
Аялал жуулчлалын салбарын өрсөлдөх чадварыг нэмэгдүүлэх; бүтээгдэхүүн; үйлчилгээний соёл; стандартыг дээшлүүлэх; Монгол Улсыг зорих жуулчдын урсгалыг нэмэгдүүлэхийн тулд Иргэний нисэхийн салбартай хамтран ажиллах зайлшгүй шаардлагатай.
Цар тахлын дараах аялал жуулчлалын салбарын бэлэн байдлыг хангах; аялагчдын итгэлийг сэргээхийн тулд "Жуулчинд ээлтэй нисэх онгоцны буудал" төслийг АЖХТ; ИНҮТ-тэй хамтран эхлүүлж байна. Төслийн хүрээнд АЖХТ холбогдох төрийн болон ТББ; хувийн хэвшлүүдтэй байгууллагуудтай хамтран ажиллахад нээлттэй гэдгээ АЖХТ-ийн захирал С. Бат-Эрдэнэ онцоллоо.
Зөвлөгөөнд БНСУ-ын Инчеоны олон улсын нисэх буудал корпорацийн зүгээс мэндчилгээ дэвшүүллээ. Инчеоны нисэх онгоцн буудал нь сүүлийн 17 жилийн турш салбартаа тэргүүлж ажиллажээ. Хөшигийн хөндий дэх олон улсын нисэх буудалд байгуулагдаж буй "Жуулчны мэдээллийн төв" ирэх 7 дугаар сард ашиглалтад орно. Цаашид орон нутгийн нисэх буудлуудад "Жуулчны мэдээллийн төв" байгуулагдана.
Үүний зэрэгцээ Аялал жуулчлалын хөгжлийн төв ТӨҮГ-аас хэрэгжүүлж байгаа "21 аймаг-21 улс" төслийн хүрээнд орон нутгийн нисэх буудлуудтай хамтран ажиллана. Монгол Улсын тэргүүлэх салбарын нэг нь аялал жуулчлал тул цаашид олон талт хамтын ажиллагааг эхлүүлэхээ Аялал жуулчлалын хөгжлийн төв ТӨҮГ-аас мэдэгдлээ.
