УИХ дахь МАН-ын бүлгийн өнөөдөр /2023.06.19/-ийн хуралдаанаар Засгийн газраас өргөн мэдүүлсэн Нийгмийн даатгалын багц хуулийн шинэчилсэн найруулгын төслийг анхны хэлэлцүүлэгт бэлтгэсэн мэдээлэлтэй танилцаж, хэлэлцэх эсэхийг дэмжжээ.
Нийгмийн даатгалын багц хуулийн шинэчилсэн найруулгын төслөөр:
- Нийгмийн даатгалын багц хуульд жил бүр итгэлцүүрийг баталж, инфляцитай уялдуулж тэтгэврийг нэмнэ.
- Тэтгэврийг 7 биш 5 жилээр тогтооно.
- Нэрийн дансны тодорхой хувийг мөнгөжүүлэхээр тусгасан байна. Тухайлбал, тэтгэврийн шимтгэлийн 17 хувийн 2 хувь нь 2024 оноос бодит байдлаар мөнгөжиж, эдийн засаг, төсвийн орлого нэмэгдэх тусам хувь өсөхөөр тооцжээ.
- Мөнгөжүүлсэн нэрийн дансныхаа тодорхой хувийг өвлүүлэх эрх зүйн орчин бүрдэнэ.
- Даатгуулагч олон эх үүсвэрээр тэтгэвэр авах боломж бүрдэнэ гэж тусгасан байна.
![](http://newscafe.mn/wp-content/uploads/2023/06/2-1.jpeg)
Мөн хувийн тэтгэврийн сангийн тогтолцоог бий болгож, татварын тодорхой хөнгөлөлттэй, санхүүгийн зах зээлд оролцох боломжийг бий болгохоор хуулийн төсөлд тусгажээ.