Азийн XYIII спортын наадамд оролцсон Монголын байт харвааны эрэгтэй болон холимог баг анх удаагаа Азийн наадмын дөрөвдүгээр байрт шалгарлаа.
Өнөөдөр эрэгтэй багийн тамирчид хүрэл медалийн төлөө БНХАУ-ын багтай тоглож 0:6-гаар хожигдсон бол холимог багийн тамирчид мөн БНХАУ-ын багт 2:6-гаар хожигдож түүхэндээ анх удаа дөрөвдүгээр байр эзэлсэн амжилтыг үзүүллээ.
Манай байт харваачид олимп, дэлхийн аварга БНСУ-ын багийг ялж, шуугиан тарьсан нь цаашид энэ амжилтаа улам ахиулах боломж байгаа гэдгээ харуулж чадлаа.
Дашрамд дуулгахад, энэ наадамд оролцсон нийт тамирчид, багш дасгалжуулагчид байт харвааны “360 төслийн бүтээн байгуулалт”-д хоёр сар өдөр шөнөгүй ажилласан бүтээн байгуулагчид гэдгийг энд онцлох учиртай.
