Засгийн газрын өнөөдрийн ээлжит хуралдаанаар хөл хорио тогтоохгүй байх шийдвэр гаргасан талаар Ерөнхий сайдын хэвлэлийн төлөөлөгч Ч.Болортуяа мэдээлэв.
Тодруулбал, Монгол Улсын хэмжээнд коронавирусний тархалт эрчимтэй байгаа тул ирэх сарын 3-18-нд хатуу хөл хорио тогтоох саналыг УОК гаргаад байсан. Улмаар УОК-ын Шуурхай ажлын баг өнөөдөр хуралдаж, хатуу хөл хорио тогтоохгүйгээр зарим аж ахуйн нэгжийн ажлыг хязгаарлах саналаа Засгийн газрын өнөөдрийн хуралдаанд танилцуулсан юм.
Ингэхдээ, тавдугаар сарын 1-ний дотор нийслэлийн иргэдийг вакцинжуулж дуусгах, амралтын өдрүүдэд хатуу хөл хорио тогтоож, ариутгал халдваргүйтгэлийг эрчимжүүлэхээр танилцуулгад дурджээ.
