ОХУ-ын Цэргийн академи, их, дээд сургуульд суралцах бүрэлдэхүүнийг үдэх ёслолын ажиллагаа БХЯ-нд боллоо. Энэ үеэр Цэргийн анхан шатны бэлтгэл сургалтад хамрагдсан гадаадын цэргийн их, дээд сургуульд суралцах сонсогчдод албан тушаалыг зэрэглэлийн дэд ахлагч цолыг гардуулав.
Ёслолын ажиллагаанд БХЯ-ны СБТГ-ын дарга хурандаа Ч.Гандирваа, ТЗУГ-ын дарга хурандаа С.Ванчинхүү, ГХАГ-ын дарга хурандаа Б.Бат-Эрдэнэ, Гадаадын цэргийн академи, их, дээд сургуульд суралцах бүрэлдэхүүн оролцлоо. БХЯ-ны ТЗУГ-ын дарга хурандаа С.Ванчинхүү хээрийн галуу нисэн үл хүрэх газраас, эх орондоо шинэ мэдлэг, шинэ боловсрол, шинэ инновацыг нэвтрүүлэх үйлсэд хүчин зүтгэхээр явж байгаа бие бүрэлдэхүүнд халуун баяр хүргэсний зэрэгцээ алс газар явахдаа болох болохгүй хүний үгэнд автаж хууль бус зүйлд орооцолдохоос сэргийлэн эв эеийг үргэлжид эрхэмлэж, эх орныхоо нэрийг өндөрт өргөн явахыг захиж, үүрэг болгосон юм.
