Монголбанкны Ерөнхийлөгчийн 2008 оны 446 дугаар тушаалаар “Ипотекийн зээлийн үйл aжиллагааны журам”-ыг баталсан. Гэвч өнөөгийн цаг үетэй нийцэхгүй болсон зарим зохицуулалтыг шинэчлэн, хэт нарийвчилсан заалтуудыг өөрчилж, банкуудын орон сууцны ипотекийн зээлийн үйл ажиллагааг зохистой аргачлалаар хангах зорилгоор журмын шинэчилсэн найруулгын төслийг боловсруулжээ.
Захиргааны ерөнхий хуулийн 62.1 дэх заалтын дагуу олон нийтээс санал авах зорилгоор “Орон сууцны ипотекийн зээлийн үйл ажиллагааны журам”-ын төслийг Төв банк танилцууллаа.
Хамгийн сүүлд оруулсан өөрчлөлтөөр иргэн урьдчилгаа 30 хувийн төлбөрөө хаанаас, ямар эх үүсвэрээс бүрдүүлснээ арилжааны банкуудад заавал тайлагнах үүргийг хүчингүй болгосон юм.
