Нийгэм

Байгаль орчин, аялал жуулчлалын сайд Д.Оюунхорол тушаал гарган Соёмбот уулын газар ашиглаж байсан “Аялж Уул” ХХК-ийн газар ашиглах эрхийн гэрчилгээг цуцалсан. Улмаар Соёмбот уулын бэлд байшин барихаар ухаж эхэлсэн газрыг нөхөн сэргээх ажлыг “Аялж Уул” компаниар гүйцэтгүүлж эхэлсэн байна. Тус газрыг тэгшилсний дараа мод тарих зэрэг арга хэмжээ авахаар төлөвлөж байгаа аж.

Дулааны улиралд нийслэл хотын ногоон бүсийн орчимд иргэдийн хөдөлгөөн нэмэгдэж байгаа. Тиймээс үүнтэй холбогдуулан Чингэлтэй дүүрэг дэх цагдаагийн хоёрдугаар хэлтсийн Зуслан дахь цагдаагийн дэд хэсэгт жижүүрийн бүрэлдэхүүн энэ  сарын 25-ны өдрөөс ирэх есдүгээр сарын 15-ны өдрийг хүртэл ажиллахаар болсон байна. Энэ нь мэдээж цагдаагийн байгууллагын ажил үйлчилгээг иргэд, олон нийтэд түргэн шуурхай, хүртээмжтэй хүргэх зорилготой юм.

Баян-Өлгий аймгаас сонгогдсон УИХ-ын гишүүн Д.Мурат аймгийнхаа Эрүүл мэндийн нэгдсэн төвд яаралтай түргэн тусламжийн авто машиныг гардуулан өглөө. Энэхүү машин нь Япон улсад үйлдвэрлэсэн бөгөөд тус улсын стандартад нийцсэн сүүлийн үеийн тоног төхөөрөмжөөр бүрэн тоногложээ. Тухайлбал, хүчилтөрөгчийн аппарат, зүрхний үйл ажиллагаа хянах төхөөрөмж гээд шаардлагатай бүх зүйлийг суурилуулсан байна. Тухайлбал, зүрх мэдрэл, амьсгалын замын хүнд өвчтэй, тархинд цус харвасан өвчтөнг эмнэлгээс эмнэлэг, орон нутгаас...