Төв шуудангийн буланд ном зардаг, “Дээлтэй ах” хэмээн нэр авчихаад байгаа  Н.Баасандорж гуай  1989 оноос эхэлж ном зарж байгаа гэнэ. Харин яг энэ байрандаа 1996 оноос эхэлж зогсох болсон аж. Тэрбээр олон ч хэвлэлд ярилцлага өгсөн байдаг бөгөөд "Ном зарах их буянтай ажил шүү. Энэ ажил надад төдийгүй залууст ч үр өгөөжөө өгч байгаа байх. Ах дүүдээ тээр болсонгүй, үр хүүхдээ өлсгөсөнгүй, хэн нэгнээс гуйлга гуйсангүй, ард түмэндээ муу зүйл хийж үзсэнгүй. Гэр бүлээ тэжээж дөнгөөд л байна" хэмээн энгийн амьдрал ярилцсан байх нь олон.

 Тэгвэл тэрбээр хэвлэлд ярилцлага өгөөд зогсохгүй Монгол Улсын Ерөнхийлөгчтэй уулзаж санал бодлоо хэлээд авсан байна. Тэрбээр Ерөнхийлөгчтэй уулзсан талаараа "Миний бие аравдугаар сарын 11-ний өдөр Монгол улсын Ерөнхийлөгчтэй хэдэн мөч уулзах завшаан тохиолдож санаа зовоож буй асуудлаар ярилцлаа.Ерөнхийлөгчтөй ярилцсан асуудал бол:

Нэгдүгээрт: Хүүхэд залуус минь буруу алдаатай бичиж уншихаас гадна Радио телвизийн зар сурталчилгааг хархаар ТУЛЬТРАА ХИЛТЭНГҮҮД шиг санагдаж Аялгуут сайхан Монгол хэл минь үгүй болж буй нь илтэд мэдэгдээд санаа зовоодог.

Хоёрдугаарт: Жил болгон хүүхдээ сургуульд явуулахдаа 100000-135000 төгрөгний ном авдаг хүний сэтгэл зүйн шанлал зэргийг үндэслэл болгон бид хоёр ярилцав.

Мөн энэ үеэр 1978-1987 онд ерөнхий боловсролын сургуульд үзэж байсан 1-9 дүгээр ангийн цэвэр хадаглагдсан Монгол хэлний сурах бичгийг "Шийдвэр гаргахдаа" материал болгон ашилаарай хэмээн Ерөнхийлөгчдөө гардуулаад миний зорилого дүүрэв" хэмээн өөрийн фэйсбүүк хуудсандаа бичсэн байна.

Эргэн сануулахад, Ерөнхийлөгч Х.Баттулга Ерөнхийлөгчид нэр дэвшиж өрсөлж байх сонгуулийн үеэрээ Н.Баасандорж гуай мөн уулзаж байсан юм .

Сонгуулийн өмнө:

Сонгуулийн дараа:

Бусад сэдвүүдНийтлэгчээс