Иргэдийн чөлөөт цагаа өнгөрөөж зугаалах боломжтой газрын судалгааг хийж дуусгалаа хэмээн БОАЖ-ын сайд Б.Бат-Эрдэнэ мэдээллээ. Тэрбээр “Иргэд зугаалж чөлөөт цагаа өнгөрөөх, гэр бүлээрээ алхах газар дутмаг байгаа. Ихэнх газрыг мөнгөтэй, эрх бүхий, хувь хүмүүс авч тойруулан хашаа барьж иргэдийн уул руу гарах замыг хүртэл хаасан. Нийтийн эрх ашгийн төлөө бид ажиллана” хэмээв. Богдхан уулын дархан цаазат газарт нийт 4 байрлалд 11 га газрыг төлөвлөлөө:
- Зайсангийн аманд - 1,8 га
- Богинын аманд - 5,1 га
- Хүүшийн аманд - 2,2 га
- Нүхтийн аманд - 1,9 га газар.
Тус газарт БОАЖЯ хувийн хэвшил, олон улсын байгууллага, дүүрэгтэй хамтран санхүүжилт олохоор ажиллаж эхэлжээ. Газрыг БОАЖЯ нэр дээрээ байлгах бөгөөд зөвхөн иргэдэд зориулсан цэцэрлэгт хүрээлэн, амралт чөлөөт цагийн бүсийг байгуулах аж. Цаашдаа улс орон даяар хэрэгжүүлнэ гэдгийг салбарын сайд цахим хуудсаараа дамжуулан мэдээлэв.
