Улсын Их Хурлын чуулганы 2024.05.02-ны өдрийн нэгдсэн хуралдаанаар Эмийн үнийн өсөлтийн шалтгаан, нөхцөлийг хянан шалгах үүрэг бүхий түр хорооны тайланг хэлэлцэж, Эмийн үнийн өсөлтийн шалтгаан нөхцөлд хяналт шалгалт хийсэнтэй холбогдуулан авах арга хэмжээний тухай Улсын Их Хурлын тогтоолын төсөл баталлаа. Тогтоолын төсөл батлагдсаны дараа Улсын Их Хурлын дарга Г.Занданшатар хэлсэн үгэндээ эмийн асуудал бол улсын үндэсний аюулгүй байдлын асуудал гэдгийг онцлов.
