НИТХ-ын тэргүүлэгчид хуралдаж, нийслэл хотын албан татварын хувь хэмжээг тогтоох 2015 оны тогтоолыг хүчингүй болгож, шинээр батлахыг хэлэлцлээ.
Учир нь нийслэл хотын албан татварын тухай хуульд 2021 оны 7 дугаар сард нэмэлт, өөрчлөлт оруулснаар авто угаалгын газар, авто үйлчилгээ үзүүлэх гэсэн хоёр төрлийн үйлчилгээг хуулийн үйлчлэлд нэмж хамруулж байгаа юм.
Нийслэлд авто угаалгын 421 газар, авто машины засвар үйлчилгээ үзүүлэгч 167 хуулийн этгээд бүртгэлтэй аж. Харин эрх зүйн шинэ орчны хүрээнд дээрх хоёр чиглэлийн үйл ажиллагаа эрхлэгчид нийслэл хотын нэг хувийн албан татварыг ирэх оноос төлж эхлэх талаар НИТХ-ын ээлжит XII хуралдаанаар хэлэлцэхийг тэргүүлэгчид дэмжжээ.
